my Pinoy-themed Cirque du Soleil souvenir shirt

Sa pagkakaiba, parang isang mundo ang pagitan.  Pero meron silang pagkakapareho:

1. Pareho silang lumilibot ng iba’t ibang bayan.

May nakita lang akong perya nung isang araw.  Dun naka-setup sya malapit sa squatters area doon sa Pinaglaban Shrine (‘informal settlers’ to the politically correct).  Katatapos lang kasi ng fiesta dito sa San Juan kaya andun pa sila.

First time naman bumisita sa Maynila ng tropa ng Cirque du Soleil (salitang Pranses na ang ibig sabihin ay “Circus of the Sun” o “Sirko ng Araw”).  Nagtayo sila ng malaking aircon tent sa harap ng Quirino Grandstand.  Sabi ng asawa ko, Grand Chapiteau ang tawag dun.  French word na ang ibig sabihin ay dambuhalang tolda.  Yun din. hehe.  Bago lang ang Cirque du Soleil touring show na “Varekai,” at dito sa Maynila nila napiling ganapin ang kauna-unang pagtatanghal (first run).  Sa Sau Paulo at Rio de Janeiro sa Brazil ang susunod nilang lilipatan. Nag-date kami ni Benz kagabi para manood.  Astig yung palabas!

2. Lahat ng nagpapatakbo at tauhan ay naninirahan kung saan dinala ang amusement/attraction.

Dun sa Pinaglabanan, nakita kong naka-tambay yung mga operators at pamilya nila sa may peryahan. Sila ang modern-day nomads o N.P.A. (no permanent address). Kwento nga ng kaibigan kong si Bong, may magtatay siyang nakausap sa peryahan, parehong ‘di alam ang birthday. Malamang walang birth certificate at walang records sa census kasi nga palipat-lipat.

Ang Cirque du Soleil, syempre sa Manila Hotel nakatira.  So mga walong tambling lang siguro andun na ang mga sirkero ng Cirque sa lobby. hehe

3. Pareho silang naghahatid saya sa mga taong pumupunta dito.

Hindi ko na to kailangan i-explain.

Eto ang isang Pinoy shortfilm tungkol sa mga taong nagta-trabaho sa perya.  Brainchild ito ng kaibigan kong si Jason Magbanua sa pakikipag-tulungan kasama ng iba pang batikang videographers (sina Bong at CJ ng Threelogy, Bob Nicolas, at si John Marvi de Guzman) at suporta ng Canon Philippines (click their names for their film commentary).   Panoorin nyo.